] ecacozcaio Tolecio anoço amalacaio Tezcapocio in jzqujtlamãtli in in qujmõmacaque qujnoalcuepcaiotilique qujnoalmacaque cozcatl xoxoctic coztic iuhqujnma in apoçonalnenequj auh in oconcujque in oqujttaque cenca tlamaviçoque yoan qujnoalnaoatique qujnoalilhujque xivian oc ie tivi in castilla amo tivecaoazq tacitivi in mexico njmã ie ic vi njman ie no ic vitze oalmocuepque Auh in otlalhoacca qujçaco njman oallamelauhque in Mexico cecemjlhujtl ceceioal in oalnenenque injc qujnonotzaco in motecuçoma in melaoac in jveliaca qujlhujco qujcaqujtico intlatquj oalmochiuhtia in oqujcujto Auh njman ie ic qujnonotza Totecujoe notelpotzine ma xitechmotlatlatili ca izcatquj otiqujttaque izcatquj oticchiuhque ca in vmpa mitzonmotlapielilia in moculhoan in teuatl ixco Ca otiqujmjttato in totecujoan in teteu in ad itic in jxqujch motilmatzin otiqujnmacato auh izcatquj techmacaque intlatqujtzi [fol r