] oc iê qujça mocujltonoa motlacamati ie nê tecoa ie nê onca ie nê ivic mocemjtquj ipan moceniacatia ie nê qujcemjtta in teoaniolque in jquac y aço ipan tlacacaoaltic aço ipan cactiuetz acaço caque aço centlanque in chaneque ocatca aço tlalpoliuh aço tlaliooac auh ie nê calli qujmantica ie nê tlaujlli ocotl qujquetztica ie ne tlateniotitica in jchan tecoanj in tlacaoaque ocatca ic mjtoa ca nel aiac qujmoxiccavilia in tlalticpaque in jpalnemoanj ontlaliooac otlapopoliuh in jnchan ocatca tecoanjme auh ça tlacotzintli inic ontlateniotia in oqujmocnelili totecujo injc qujmauiçoaia y aço ie quezqujpa tecoanotza tetlaqualtia tenechicoa tecentlalia teitotia tetlauhtia iehoatl in ic neçi in iuhquj tonalli ipan tlacatioaia ce mjqujztli injc mjtoa qualli ioan achi amo qualli
