01 20

{f. 261r} Jnic. v. parapho ypan mitoa in quenin mochichivaya y çeçeyaca teteu. Vitzilopuchtlj. Ynechichiuh ytozpulol quetzaltzoyo, icpac manj, {p. 93} yezpitzal, ixquac, icac, y ixtlan tlanticac in ipa^ ixayac, xiuhtototl, in inacuch yxiuhcoanaval, y yanecuyouh, in quimamaticac, yquetzalmapa^ca, in imac xiuhtlalpilli, inic motzinilpiticac motexovava, in icxic, tzitzilli, oyoalli, in icxic catquj, ytecpilcac, tevevelli in ichimal tlaoaçomalli in ipa^ temi chimallj ycoatopil, yn imac, icac, çentlapal paynal inechichiuh Ytozpolol, icpac manj, {p. 95} mixquauhcalichiuhticac in ipa^ ixayac mixçitlalhviticac, moteneva tlayoallj yxiuhyacamjuh, yyacac, icac, yezpitzal, contlalitica, yuitzitzilnaual. yteucuitlaanaoauh yelpa^ manj, yeltezcatl, yxiuhchimal, xiuhtica tlatzaqualli chimalli jmac manj, xiuhtlalpilli, yni quimiliuhticac mamallitli, tecuitlapanitl, yn imac, icac. Tezcatlipuca, inechichiuh, Tecpatzontli, in icpac, contlaliticac, yxtlan tlaanticac tzicoliuhqui in inacuch teucuitlatl, quetzalcomitl, in quimamaticac, tecpatl yn imapan caca, motlitlilicxipuztec tzitzilli, oyoalli, in icxic caca, coyolj, yhitzcac ychimal yviteteyo amapa^yo, ymac manj, tlachialoni yn imac icac çentlapal, coyunqui, ic teitta. {p. 96}