] qujmjiçavia qujncecenmana aic tlacacochi motlacateca qujnjquac quauhtenvetzi in jellel onacic in onmellelaxiti aocmo qujtoa in tlein ic ontlavelneciz nochan ça mache in jvc qujmati ça tlaçolli qujztoc tequjxqujtl coxontoc in jchan aiac tlachpana amo tlatla tlaioaticac icnoivtl qujztoc ça canjn tetlan cocochi tetlan mococochteca ça vmpan ca iiollo tlachiccan vc tlaliloia in atle qujtta vctli iuhqujn nentlamati yiollo iuhqujn aco pilcac iuhqujn âactiuetzi iuhqujn avic iauh Auh intlacana otlaipantili tlaoanoia iuhqujn vncan motlatlalia yiollo iuhqujn iioiolipan iuhqujn iiollo yiztaia yiollo cecelia vncan moteteuhtlalia motepitztlalia mocentlalia mopaccatlalia aoc tlacaoaliztlamati Auh intlacana tlaoancanotzalo iuhqujn aoc ie choloteoa ie çomocacaquj iuhqujn ce inacaz iuhqujn onviçinj onmotlaloa mjçiuhcatlaloa momamaiauhtiuh [fol r
