02 13

{f. 256v} Tiçapaloliztli Jnic muchivaja tiçapaloliztlj in icuac concuitiquiça in tiçatl. nima^ ic motlaloa in tiçapaloanj yc necia y^ cenca tlacça ioa^ cequi^tin quitocaja quitepachotivia auh in aqui^ amo tlacçaia içiuhca tetica vetzia Teizcalaanaliztli Jnic muchivaja teizcallaanaliztlj no ipa^ in tlein tonallj muchintin yn pipiltotonti quimizcallaanaia otlica yoa^ in ixquich tlalticpac onoc in nopallj ioa^ aço metl. ic mitoaya ynic iciuhca mozcaltiz. {p. 77} Neelpiliztli Jnic muchivaia yc neelpiloya yca icpatl in quimiylpiaya pipiltotontin yn imaquechtlan yoa^ in inquechtla^ yoa^ ymitac ellotlaxcaltotonti y^ vnca^ conmanaja vacaltonco yoa^ tecontontlj vacalnacazco conquetzaja tentiuh yn atl, yn imajtac auh in iquac oacico ipa^ cempoalilhuitl yn iquac moteneva teteu ecco iquac quintomiliaya yn icpatl potonqui ynic omovlpique pipiltotonti {p. 78} Necocololiztli Auh y necocololiztlj yc muchivaya ipa^ ilhuiuh acolmiztlj mivicuicuiloaya in pipiltotonti tlapallivitica novia^ yn itech yn inacayo Auh y^ veveitlaca, çanjo yn imelpa^ yn iyollopa^ yoa^ yn icuitlapa^ quinamictiaya yn ivitl ini quipotoniaya quilmach ipampa ynic amo teyolloquaz acolmiztlj Pilquixtiliztli Jnic muchivaya pilquixtiliztlj vmpa muchintin quivicaya in iteopa^ in diablo in pipiltotonti vel muchinti vmpa quimitotiaya yoa^ qui^tlavantiaya ynic moteneva pilquixtilo ca muchintin quivalquixtia in pipiltotonti in diablo ycha^ Tlavavanaliztlj Jnic muchivaja in moteneva tlavavanaliztlj in icoac mali moyaochichivaja ichimal ymaquauh, ymac onoc aocmo itzo yn imaquauh auh in tlavavanque y^chimal y^maquauh ynic tlavavanaja iuhqui quicallj in mallj anoço tlacotlj {f. 257r} Tolpa^ onoliztlj Macuililhuitl in tolpa^ netecoya ynic neçavililoya tlalloc in iquac vztoc tlaliloya omocalnavati {p. 79} çacapa nemanaliztlj J çacapa^ nemanaliztlj iehoantin in quixipevaja tlaca yn imevajo cequintin comaquiaya yn evatl, y^ motenevaja xixipeme auh motzetzeloaja in çacatl ipa^ qui^valmanaja in xixipeme ipa^pa in motenevaja çacapa^ valnemanalo Tlazcaltiliztlj Jn tlazcaltiliztlj yc muchivaya icoac y^ monacaztequia acopa contzetzeloaya yn eztlj anoço tleco contzitzicuinjaya ynic mitoaya quizcaltia yn tletl yoa^ yn tonatiuh. Tlatzmolintemaliztlj Jn tlatzmollintemaliztlj inic mochivaja in iquac omocuito quauhtla tlatzmolljn niman ic motetema in noviian momozco acan mocava iehoatl in mitoaia tlamacuiltetemaliztli. Neçacapechtemaliztlj J neçacapechtemaliztlj ic muchivaya ça no iuhqui y^ tlalqualiztlj ipam poia yn iquac campa quixoaya yn canin icac ixiptla diablo inic ixpa^ quixoaya conpia yn çacatl ixpa^ contzeteloa yn diablo in icoac tlaixpa^ quiçaya oc cequi^tin y^ otlj quitocaya yoa^ in iquac yaoc iuhquima ic nenetoltiloya in icoac aca yauh yaoc intla itla yc motolinitinemi quitoaya amo njca^ y nimiquiz yauc y nimiquitiuh {p. 80} auh y^ iquac ye mochivaz yauyutl achto quipia in çacatl quitzetzeloaya yn ivicpa in tonatiuh quitoaya vnnipopoliviz y. intla miquiz anoço tlamaz. iuhqui ic monetoltiaya ivic tonatiuh.