48v 157

] ie ic vtlatoca qujmjcavatza ça veca ça vecapa ça qujnvalhuecapavia in qujnvalicavatza Auh intla ça acame motlapaloa in intech onaci iuhqujn aqujm õtlatoltia in q'nvalixili çan ic cenvi in qujmjxili aocmo valmocuecuetzoa aocac qujça aocac qujqujxtia in qujxili njmã ic onacito in citlaltepec ommotecato çã no tlalcaviloque amo qujnmochieltique in maceoalti Auh in tiacaoan in vncã tlaca in chaneque aocmo valmjxmana ça motlatia itla qujmotoctia aço tenopalli aço metl aço tlaltepevalli anoço texcalli iehica ca amo ixnamjqujztin no vncã cochque Auh in otlatvic ie achi qualcan ie tlatotonjc in ie tlaiamanja njman ie ic tlatlaqua njman ie ic no ceppa vmpeoa ommjquanja xoloc çan ie no ivi inpan macauh aocac in ma nel ça çeton [fol v