178v 396

Españoles caxtolli omey leguas ynic hueca tlalli yn itic Provincia ynitocayocan Cibao yn ômpa conmatia oncan yn coztic teocuitlatl yhuân cenca huehuey ynic onoque macehualtin auh ynic onacic niman yc tlanahuati ynic mochihuaz ce yaocalli quitocayoti Sancto Thomas ynic oncan quicauh onpohualli oncaxtolli yhuan ce tlacatl yn Españoles auh ynic yehuatl no ceppahuatl mocuep çan n inca yn imacehualhuan yn oncan onoque Isabela ynic oncan quimitztacico cequi tlacatl omomiquillique yhuân cenca miyequintin yn mococohua yhuan cenca nentlamattoque moyoltequipachohua yn ipampa yn ixquich yntech monequi ynic tlayhiyohuia yn ittacatl yhuan yn queni cenca monequi ynic tequittihuaz yn ipan ynic motlallia altepetl ciudad yhuân ynic mochihuaz molinos yhuan yn oc cequitlamantli monequi ynic huel mochipa yez altepetl auh cenca monec ynic tequitizque mochintin yn amo tle yc nechallaniliztica yn amo tle yc neyxnamiquînliztica tequitizq auh yc motequipachoque yn pipiltin mahuiztique tlaca yc peuhque in ye quiteyxpanhuia in ye quiteylhuia Don Xr oual Colon Almirante auh ynic motlatlallili quiteneuh ynic quichihuaz yn itla tetlatzacuiltiliztli auh ynic oncan conanq yn quallantli çomalli ynic ye quixnamiqui yn oc cenca yehuatzin Padre Fray Boyl S Benito teopixqui auh yn iqu ac achi omocehuique ynin ynchachallacaya