0 58

=058 initlahuan in oquimictique initatzin notoca Apanecatl, ihuan Zolton, ihuan Cuilton, ° niman ye quitoa tlein ic quimamaliz initeocal initeocal in tlacantochin in tlacancohuatl tiquallanizque ye qualli in Ocelotl in Quauhtli in Cuetlachtli, auh niman quilhuique quito ice acatl quimilhui ca ye qualli ca yehuatl yaz niman ye quinotza in Ocelotl in Quauhtli in Cuitlachtli quimilhui xihualhuian notlahuane quil amoca nic mamaliz in noteocatl ca amo an miquizque ° ca ye antequazque yehuantin in ca nic mamaliz innoteocal in notlahuan, auh zan nempanca in tequechmelayotilloc, auh in ce acatl niman ye quin notza in totozame quimilhui notlahuane xihualhuiyan ticoyonizque in toteocal, auh in totozame niman ye tlatataca quiticoyonique inic ompa callac in ce acatl ic pacpa quizato initeocal, auh in quitoque in itlahuan inehuantin titlaquauhtlazazque in icpac cenca papaqui in oquimittaque in Ocelotl in Quauhtli in Cuitlachtli in nechoquillilo, auh in hual mazcallique ye tlequauhtlaza in ce acatl, auh niman cenca ye qualani initlahuan niman ye huiyacatiuh in Apanecatl nimaye tlecotihuetzi, auh in ce acatl nimaye hualmoquetz niman ye qui xamania tetzcaltecomatica, ° niman ye ic hualhuetzi in tlatzintlan niman ye quintzizquia in Zolton in Cuilton niman ye tlapitza in tequanime nima ye quimictia chilli quimantemilli tihui in achicontequi, inin nacayo, auh in oquintoneuhque nimaye ic quihueltequi. Auh in ce acatl nimayenocepa tepehua itocayocan Ayotlan auh ino ontepeuh niman yeyauh in Chalco in Xicco no ontepeuh, auh ino ontepeuh niman yeyauh in Cuixcoc no tepeuh, auh niman yeyauh in Zacanco no tepeuh niman yeyauh in tzonmolco no tepeuh, niman yeyauh in Mazatzonco no hualtepeuh, niman yeyauh in Tzapotlan no hueltepeuh, ° niman ye yauh in Acallan in oncan ic panoa no no hueltepeuh inic acito Tlapallan, auh niman ye oncan mococoa macuililhuitl in mococo nima ye ic miqui, auh ino on momiquilli niman ic quitlatique tlatlac. ¾058 ° Auh in Tollan niman ye aoc tlatlaca maniani tlatohuaniti in Huemac, inic ome itoca Nequametl, inic ey Tlalchicatzin {tlatlacatzin}, inic nahui itoca Huitzilpopoca {oc no iz} Nahuintin in quincauhtia topiltzin, auh Nonohualco tlatohuani itoca Huetzin : niman ye motetzahuia ye quitta in Tlacanexquimilli in Tlacahueyac, auh niman yeyehuatl in aquin tecuaya, auh nimaye quitoa in Tolteca Toltecaye aquin ye tequa, niman ye quipia niman canque, auh in ocanque telpochtontli amo tlanetentzotzoyotian {tlanetentzotzoyoton}, niman ye quimictia, ° auh inoqui (fol. 82) mictique,niman ye ontlachia initic atlei yollo atlei cuitlaxcol atlei yezo, niman ye iyaya, auh in aquin quinecui ic miqui, auh in aca amo qui necui initlan quiza, auh in ye cenca ic micohua, niman ye quihuillana amo huellolini, auh in cotoni mecatl in quexquich Huetzi oncan miqui. Auh iniquac ollini in quexquich ipan yauh ixquich miqui ixquich quiqua, auh in iquac huello ollin quicencauhque ye ixquich in tlapallihui in huehuetzin in piltzintli in cihuatzintli chicuei in mecatl ic quimecayotique nimayeic quihuillana in ocaxitique in Itzocan, ±126 nimaye macocui, auh in quihuillanaya amo quicauhque in mecatl zan itech pipilcatiaque, auh in aca za conpic initech on mopillo in mecatl, niman ic quihuicac in aco. ° Auh nimaye ollama in Huemac quimollami in Tlaloque, niman quilhuique in Tlalloque tlein tictlani niman quito in Huemac no chalchiuh no quetzal, auh ye no cepa quilhuique in Huemac zan ye no yehuatl in tictlani to chalchiuh to quetzal, auh niman ye ollama ontetlan in Huemac niman yehui in Tlalloque in quipatlazque in Huemac in quimacazque yehuatl in Elotl, auh inin quetzaltocquizhuatl ipantentiuh in ellotl, auh amo quicelli quito, cuix yehuatl in onictlan, cuix amo chalchihuitl, cuix amo quetzalli ? Auh inin xicitquican, auh niman quitoque in Tlalloque ca ye qualli xocon macacan in chalchihuitl in quetzalli, auh xoconcuican in to