0 23

=23 Amaxac telpochcalli. Auh in intlatocauh contlalico in yacacolco Quauhtemoctzin. Auh in ye ixquich macehualli ye iquac quicauh in iauh in itepeuh Tenochtitlan catca, inic callaquico Tlatilulco tocalla acitimoquetzaco. Niman ye yc motlalico nohuian tocaltitla, totlapanco. Auh ye tzatzi yninipiloa ynin tecuhtlatocahua quitoque : ±± totecuyohuane Mexicae ! Tlatilulcae ! atoqueztelçi çânn tocacalpixca amomnaxitinque in calpixcantli in tlalli izcatqui amocococauh in tlahuiztli in oamechpieliaya in amotlatocauh, in chimalli, tlahuiztli, in tecuecuextli, in quetzallalpilloni, {•••} in teocuitlanacochtli, in chalchiuhtli ca ixquich amaxca amotlatqui ma amoyollicatzin, ma amohiyocauilliti campa tihuallaque, ca tiMexica, ca tiTlatilulca muchocatihuiz in tlatohua ye iquac quimacaque yn tlahuiztli in teocuitlaio, yn quetzalli. Auh in yehuantin tzatzitinenque in otlica, in caltzalla, in tianquizco xipanoc tetl yaco tlaco cihuacohuatl motelchiuh iniquac Huiznahuatl xochitl acolnahuacati anahuacatl tlacochcalcatl Itzpotonqui acuazaca oyximachoc Tezcacohuacatl huanitl. oqz Mixcoa tlaillotlac in axca teuhcalcatl tentlil yehuantinin in tzatzitinenque quiteneuhtinenque in omito in iquac hualcallaque Tlatilulco. Auh izcate in tlacaque : Coyoaque, Tlacopaneca, Azcapotzalca, Tenayoca, Quauhtitlancalque, Toltitlancalque, Chicuhnauhteca Tetzcoco Coanacotzin Cuitlauac Tepochpan, Itzyocan, inin za moch moch ehuanti in tlatoque in quicanque in iuh quitoque intlatol in Tenochca, auh in ixquich cahuitl in ticalihuaque aocan momexti in Tenochcatl in izqui otli inica in yacucolco in Atizapan, in Cohuatlan, in ononohualco, in popohuiltitlan, in Tepeyacac za nohuia toneizcahuil mochiuh in tiTlatilolca za no yhui in acalotli moch tomeizcahuil mochiuh. Auh in Tenochcatl ytequihuacatcan onca quazontec auh in achcauhtli omochmoqua zonteque auh in quachic yn Otomitl zan moquaquimilotinemi aoca ixquezque in ixquich cahuitl ¾23 ticalihuaque ynitlatocauh za moch ehuantini Tlatilolca in cololhuiticate auh in icihuahua {incihuahuan} moch no quipinahuique quimahuaque qimilhuique Tenochca ca za monoque amo apinahua {ampinahua} ayc cihuatl amotla nonca xauhtoca. Auh i icihuahua mochoquilitinemi in quintlatlauhtia in Tlatilolca auh in etlachia in ahuaque in tepehuaque ehuala yhua in aoca metzi Tenochca auh in Tlatilolcatl ye Yzpolihui in quachic in Otomitl in yaotequihua ye ic miqui in tlequiquiztli in tepozmitl ehuala ihua {ye huallaihua} in Acolhuacan in tlatohuani in Tecocoltzin ehuanti nonoçaloco {nonotzaloco} in Tlatilulco ticocyahuacatl topan temoctzin tezcacohuacatl [qui]otzie catzin tlacatecatl Temilotzin tlacochcalcatl coyohuehuetzin Tzihuatecpanecatl Matlalacatzin ±± quimihuico in ititlanhuan in Acolhuaca Tecocoltzin conilhuia : ca tech hualihua in tlacatl y •••uacatl in Tecocoltzin ca comitalhuia tlaquicaquican in Mexica in Tlatilulca a e y {a yr in} tonehua a e {a ye} chichinaca in iyolo in inacayo motolinia auh ça no ihui nehuatl a otonehuac aochichinacac y noyolo in tleyntzi noconocohuia y {in} noquimilco y {in} nocuexanco y {in} nohuiauazni ynech tlacuiculia omochiuh opoliuh in ahua in tepehua ca noconitohua manozo yyocan contlali Tenochcatl ma yoca opolihui aya tle noconquichihuaz oc noconchia in itlatol quinquitozque quezquilhuitl contlalizque ca ixquich quimocatica in notlatol ye concuepa in tlatolli in Tlatilolco tlatoque quimonilhuia : otechmocneliti in ticauhtzin atel yehuatl inic tona inic tota in Acolhua, in Chichimecatl, ca izca quimocaquitia a e ce pohualli {ye cempohualli} quinequia y mochihuazquia in yuh quihualmitalhuia auh in axca ca nocniquitac ca ohuelmixtlati ca ocac motenochcatzatzilia ca ye cequi moquauhtitlan calcatlapiqua cequi Tenayoca, Azcapotzalco, Coyohuaca, e {ye} motlamiya ca nocniquita ; auh yehuatl ye moMlatilulca tzatzilia quinocnichihuaz {quin nocnochihuaz} otlacauhqui niyollotzin oqui nocnelili yn quiquiza {oquinmochelili in moquiquitza} ymohuillana {a e {ye} toconchia in iyo in itlatol in totecoyohuan ye yuh epohualli ticallihua in ye quinomanico Españoles in tzatzico itoca Castaneda, itocayocan y yauhtenco tzatzico, quihualhuicac Tlaxcalteca}