¶ Vitzitziltetl in jtoca itech qujça in vitzitzili ioan tetl ipampa in itlachieliz iuhqujnma vitzitzilin iiviio in mjtoa totozcatleton In itlachieliz iuhqujn ma centzontli icpitl itech moiava xoxotla iuhqujn tlatla itech cen qujça ca itech cenqujztica in tlapalli in chichiltic in xoxoctic in xiuhtototl in tlauhquechol in camopalli in tlavitl in qujltic etc çan tetl atle itech ca tliltic injn mjmjltontli iuhqujn icel azcatl tacapitztontli çan qualton çan tepiton ompa ichan ompa neçi in teuatenco ilhujcaaxaltotlan in motta ioan ompa intotonacapan atoiac texcalapan in neçi auh çan iovaltica in neçi iuhqujn icpiton xotlatica anoçe iuhqujn candelaton tlatlatica intla çan valneneçi ca icpitl auh intla çan ie ca intla çan ie tlatlatica ca iehoatl in vitzitziltetl chipavac atic naltic vellaçotli maviztic maviço tlamaviçoltic xoxotla pepetlaca [fol v
