Auh ipampain mochi ica in noyollo cenca huel namechtlatlauhtia N P ma ipaltzinco in Iteoezotzin in Totemaquixticatzin Jesu Christo ihuan ipaltzinco in amoyolia amanimas ma cecemilhuitl cecenyohual ihuan yemochipa xicamapohuacan macxicmomachtican ihuan ma miecpa xiccueptinemican inin Maxîcanemachtiloni noihuan ma momotlae xiquin yollotican xiquincaquitican ihuan xiquimmachtican in amopilhuan ihuan amochantlacâ Auh inic amoyollo pachihuiz in itechpa inye onamechilhui ma yecuel ximonacazquetzacan ihuan xicyehuacaquican in tlein huel yehuatzin in Totlâtocatzin Dios oquimmonomânahuitili in Israellacâ quiniquac in ompa Tepeticpac Sinai huel achtopa oquimmomaquilli in Iteotenahuatilzin Ca izcâ in Itlazomahuiztlâtoltzin Eruntque verba hæc quæ ego pracipio tibi hodiè in corde tuo & narrabis ea filijs tuis & meditaberis sedens in domo tuo & ambulans in itinere dormiens que atque consurgens & ligabis ea quasi signum in manu tua erunique & mouebuntur inter oculos tuos scribesque ea in limine & ostijs domus tua Quitoznequi Ca cemixquich in nonahuatil in onimititzmacac ca huel moyolloîtic tictlaliz ihuan tiquincaquitiz in mopilhuan ihuan ticnemiliz inîquac tehuatica ânozo iniquac tinênentinemi zacho in monetecayan in mocochizpan ihuan in monehuayan in ye otihualîzac Auh inic mochipa mixco yez ihuan mixtelolotica tiquittaz ca momatitech tiquilpiz ihuan in mocaltenco ihuan mochan in icalaquian ihuan in itech in itlatzacuillô tiquîcuiloz