] in toteouh Napatecutli maça quen njnonemitiz yn aciuhquj njcochiz aciuhquj njneoaz iehequjmati yn açocitla nechmomaquliz qujmomacaviliz ic qujxquentiaia ce quachtli yn ixiptla muchioaia ic oalqujça yn ichan auh ic muchi tlacatl tlatlaquaia yn ioanjolque Auh yn icalpulco in vmpa pialoia yxiptla cenca tlamauztiliaia tlâceliaia in petlachiuhque muchipa petlateteca icpalteteca tlatzetzeloa tlachpana tlacujcuj tletlalia muchipa copaltema tlatetzcaliuhtoc tlatetzcaliuhtimanj atle vetztoc çe tlaçolli Auh yujn yn muchichioaia motiloçac mixtlilpopotz mixtlilhuj michchiaujticac amacale yiamacuexpal amamaxtle tzitzile iztaccaque atlacueçonanchimale aztapiltopile