124r 888

] ic onmjquj ioan in aqujn ovelveuetic in ovelilamatic çan no qujmjctia injc qujmjctia cocoxquj manoço veve qujl ic qujtlaoculia qujl ipampa in amo motolinjz tlalticpac ioan injc amo qujntlaocultiz auh injc qujtoca cenca qujmaviztilia omjlhujtl eilhujtl in mjccaoati mjtotia cujca injc iuhquj intlaqual y in joan amo cenca quexqujch intlaque vel chicaoaque vel pipinque vellalichtique ioan cenca ichtique tlaloatique ioan tlamolhoatique ioan cenca paina injc vi injc tepetleco vel iuhqujn ecatoco ipampa moceceioque amo tzotzoltique injc atle qujmelleltia injque y in jnçioaoa omito çan mochipa qujnvicatinemj auh in jquac ie vtztli in çioatl mjecpa qujcujtlapantotonja in jnamjc concujtlapanatequjtiuh qujlmach ic qujtema in qujtoa auh in otlacachiuh in ooallacat piltontli quen oppa expa concujtlatelicça injn mjxiuhquj in chichimecatl qujl ic oallamj in eztli njman oacaltonco conaquja in jnconeton conmama in çioatl in canjn [fol r