tli techmolhuilia in niman ayc moztlacatilia in niman ahmo huel moztlacatiliz Auh ca ye yuhcatqui ca ye yuhcatqui ca ye melahuac ic tipilhuan Dios teoyutica auh ca çan no yhuan taxca tonemac in itlahtocayotzin Dios yhuan tocepan axca tocepan nemac in inemactzin Iesu Christo ca in quenin yehuatzin inemac itech pouhqui yhuan ipan motlayacatilia motachcauhtilia in ilhuicac tlahtocayotl ç no yuhque yezq^ in ilhuicac in ixq^chtin qualtin Christianos Inin teutlahtolli ca huel itech neci huel itech miximati in quenin c ca huey teycneliliztli tetlacoliliztli oq^mahceuhq^ oq^cnopilhuiq^ in ixq^chti Christianos ip pa in teoyutica nequaatequiliztli in Baptismo yehica ca in tocaitl inic motocayotia Christianos ca itech oquicuique itech ocanq^ in itocatzin in Christo auh in inttatzin ca huel yehuatzin Christo auh in intlahtocayo ca huel yehuatl in itlahtocayotzin in Christo cemihcac ca in ayc tlamiz in ayc tzonquicaz
