¶ In matlatzinca itech qujça in jntoca in jntlatequjpanoliz Injc coia cintli çan qujmatlatema çan qujvitequj ioan injc tlamamaia amo xiqujpilli qujtitlanja çan no qujmatlatema in tlaolli mjtoa çacatematl ocoçacatl tlanj qujvica qujxpechia Oc cenca no ic motocaiotia matlatzinca vel itech momatia in tematlatl in pipiltotonti ça cen qujtqujtinemj in tematlatl in iuh chichimeca in mochipa qujtqujtinemj tlavitolli no mochipa qujtqujtinemj in tematlatl in chichimeca mochipa ic tlatlamotlatinemj Oc cenca ic iequene motocaiotia matlatzinca in jquac tlacatl maceoalli qujvenchioaia im jxpan qujmjctiaia diablo iixiptla amo itla injc qujmictiaia çan qujmatlapatzcaia ioan intoca Qvaquata in [fol r
