9v 22

] auh teatlitiz tetlamacaz tetlaqualtiz in topan in mjctlan auh ca ie oalitztotoc ie oallachialotoc in topan in mjctlan in jlvicac in quezquj auh in aqujn in tlacnopilviz in jcnoquauhtli in jcnoocelutl auh in tetzon in teizti in texillan in tetozcatlan actiaz in caujltiz auh in catlitiz in qujtlamacaz in tonatiuh in tlaltecutli yn jxtlaoacan in jxtlaoatl inepantla in jtic in mopôpoiauhtoz in mopopoiaoaz in vncan xixitinjloz momoiaoaloz in tzatzaianaloz in njman vncan yhiiotl qujçaz a mach oc commati in nantli in tatli in tlacachivale in tzone in jzte in veve in jlama auh in ça noço ac teoaniolcatzin in teaujtzin in tetlatzin mach oc commati in quen poliuj in tlacachioalli anca quen oqujmotetzavili in tenantzin in jtlan ocochiaiaticatca in jmetzpan qujtlatlaliticatca auh in jmemeialotzin quemeca ic oqujmotetzaujli quen achi muchiuh injc otetzauac injc oalmozcalti injc ooapaoac in tetatzin ovmpa onqujz nelli mach in oontla itlapaliviz nelli mach yn oiiellelacic injc oqujxtemotinen [fol v