nepapan ihuitl, ihuan amechmacazque in xiuhtototl in tlauhquechol in tzinitzca in ye ixquich in tlazoihuitl, auh itlapalcacahuatl in tlapapal ichcatl, camochianquittazque canelnotequiuh iconihualihualoc, auh yehuatl ica initlatol oquinquixti in yehuatl Chalchiuhtlatonac chicome Calpolli in macehualtin inquinpiaya inin tlapialhuan inin tlaquimilolhuan ininteohuan.
± 12 acatl xihuitl 1075 años, ipanin oncan chiconxiuhtique in quinehuayan Chicomoztoc in Mexitin Azteca Chichimeca huehuetque, inic niman oncan nohualquizque Chicomoztoc, inic mitohua Chicomoztoca, inic niman ohualolinque inipan in omoteneuh 12 acatl xihuitl, inic ye huitze, inic yehualnenemi, yeyuhnepa matlactlomome xihuitl hualquizque in ompa in chan Aztlan, inic oncan omoteneuh quinehuayan Chicomoztoc inipanin omoteneuh 12 acatl xihuitl inic niman oncan huallehuaque, inic ohualnenenque ocaihui in in hualquizque in Aztlan in Azteca Mexitin Chichimeca huehuetque in ompa axcan mitohua Yancuic Mexico. Oncan tlami initlatol huehue in Alonso Franco catca nican ichan ipan altepetl Ciudad Mexico Tenochtitlan, auh in omomiquillico ipan xihuitl de 1602 años, inin Mestizo catca.
± Auh cacenca nohuian nenque in Mexica in Chichimecatlalpan in canacualcan huecahuaya cempohual xiuhtica in motlallia in tlahuelmati in cana caxtolli xihuitl in motlallia, in cana matlac xiuhtica, in cana macuil xiuhtica in motlallia, in cana nauh xihuitl ye xihuitl in motlallia, in cana onxiuhtia, in cana ce xiuhtia in motlallia in amotlahuelmati, in cana cempohual ilhuitl ompohualilhuitl in motlallia (ompa quizaco in Cuextecatl ichocayan, ihuan Cohuatlycamac) auh canohuian quihualtocatiaque in tlalli, auh in quihualquatiaque inin techmonequia nacatl in tonacayotl, ihuan inetl, huauhtli, chian, ihuan chilli, xitomatl, auh icana cenca huecahuaya, moteocaltiaya oncan quiquetzque inical ininteouh in Huitzilopochtli, auh caoc no cequintin in quinhualhuicac inin teohuan inic mitohua in chicome calpolli in Mexica in huallaque, auh inic ce calpolli Yopica, inic ome calpolli, Tlacochcalca, inic yei calpolli, ± Huitznahuac, inic nahui calpolli, Cihuatecpaneca, inic macuilli calpolli, tlacatecpaneca, inic chicome calpolli, Izquiteca, auh ye omitoca cenca nohuian hualnentiaque in Chichimecatlalpan in cana quihualcauhtiaquetoctli miahuati in cana quihualcauhtehuaque Xilloti, helloti, cozahuia, auh in cana ocquipixca, quihualquatehua in tonacayotl, auh cacenca miectlamantli, in quichiuhque in otlipan inic huallaque, nohuiannenque in Culhuacan in hueca Culhuacan ihuan in tona ichuacan anozo Tonallan cacenca mochicnenque, auh ca in Cotoncahuan in Michhuaque in Mexica, ihuan in Malinalca, auh ca mochintin huallaque, auh inic quincauhque in Michhuaque, atlan mahuiltiaya i[n]oquichtin, ihuan in cihua in oncan Pazquallo itocayocan
