Inic ey ipilhuan Itzcohuatzin, itoca Mixcohuatzin ompa tlatocatito in Xillotepec.
Auh zan niman ipanin in omoteneuh in 13 tecpatl xihuitl 1440 años, ipan motlatocatlalli in tlacatl in huehue Moteuhczoma Ilhuicamina Chalchiuhtlatonac tlatohuani Tenochtitlan, ipan cemilhui tlapohualli 3 cohuatl ic 22 de Mayo, inin ipiltzin in Huitzillihuitl.
7 tecpatl xihuitl, 1460 años, ipanin momiquillico intlacatl in Quauhtlatohuatzin tlatohuani Tlatilolco inipiltzin Acolmiztli intlatocat cempohualli on matlactli, ipan ce xihuitl. ±
Auh zan niman ipanin in omoteneuh xihuitl in motlatocatlalli in tlacatl Moquihuixtli tlatohuani Tlatilolco, ipan cemilhui tlapohualli 13 Ozomatli, ic /¨¨¨/ inin inyuh conitohua Tlatilolca zan hualla Aculhuacan ichan yehuatl ompa contlatocatlalli in huehue Moteuhczoma Ilhuicaminatzin inehuan in Axayacatzin.
2 Tecpatl xihuitl, 1468 años, ipan in momiquillico in tlacatl in huehue Moteuhczoma Ilhuicamina Chalchiuhtlatonac tlatohuani catca Tenochtitlan inin ipiltzin Huitzillihuitl in tlatocat cempohualli on chiuhcnahui xihuitl, auh in quincauhtia ipilhuan izquintinin initechquizque izcatqui intotoca in tlatocapipiltin in ye mochi chicueyntin.
Inic ce itoca Iquehuac Tlacateccatl.
Inic ome itoca Chichimecacihuatzin, inin quimocihuauhti huehue Huanitzin hueytiacauh Itztapalapan ichan oncan otlacatque ointechquizquizque yeintin ipilhuan: inic ce itoca huehue Chimapilli, ± inin ompa tlatocatito in Ecatepec: inic ome itoca Macpaltzin: inic ey itoca Matlalxochitzin.
Inic ey ipilhuan huehue Moteuczoma itoca Macaxochtzin inin cihuapilli quihualitlan quihuallan ce pilli in ompa Tepexic mixtlan, ihuan iquac quihuallitlanque in ompa tlatocayotl quin yehuatl compehualtito in Cihuapilli, zan ipampa yehuatl inic yehuatl otlatocatlalliloc iniyoquichhuatzin to zancoztli in ompa Tepexicmixtlan quin yehuatl compehualti in tlatocayotl, auh o intechquizque ompa otlacatito in Doña Maria, ihuan in Dn¨ Joseph ompa otlatocat in Tepexicmixtlan.
Auh inoc macuiltin in ichpochtiztzinhuan in tlacatl in huehue Moteuczomatzin amohuel momati inintoca cihuapipiltin occequintin Mexica quitotihui huel miyecapilhua catca in huehue Moteuczoma Ilhuicamina inic quitoca amomochintin intlatocatizque nopilhuan ± inic quitecac in tlahuitolli in tlateccayotl, in quauhxincayotl, in tlacuillo ceyotl mocho Fiscalesme mochiuhque inipilhuan.
In huehue Moteuhczoma Ilhuicaminatzin, ihuan Tlacayeleltzin ocyehuantin quitlatocatlallique initoca Atlazol, yehuatlin ompa achto tlatocatito in Huaxacac inin ixhuiuhtzin in ocellopan Tenochtitlan chane, auh inic ompa tlatocatito Huaxac in tlaihualmochiuh in omotocateneuhque tlatoque. ±
3 Calli xihuitl, 1469 años, ipanin motlatocatlalli in tlacatl in Axayacatzin tlatohuani Tenochtitlan, ipan cemilhui tlapohualli 11 Quiahuitl, ic 11 de Agosto, inin ipiltzin in huehue Tezozomoctli Tlatocapilli Tenochtitlan, inin ye omito tlacpac ipiltzin Itzcohuatzin.
{Axayacatl
