02 11

{f. 255v} Tlatlatlaqualiliztli Jnic muchivaja tlatlatlaqualiliztlj in icoac oconeltecqz in tlacotlj, anoço mallj, nima^ quicuja yn iezço caxtica, yoa^ aço amatl contlaçaia in caxic, quichichinaltiaya y^ eztlj nima^ ic quitquia caxtica, yn izquintin diablome intenco quintlatlaliliaya y^ eztlj muchintin yn jezço teumjcquj Nextlavaliztli J nextlavaliztli inic muchivaia in iquac aço aca in tlein ipa^ muchiva aço cocoliztlj in iquac opatic nima^ aço copallj yoa^ amatl ynic muxtlava inic amo omic iuhquima ic tlaxtlava iehica ca omjquizquia. Acxoyatemaliztlj Jnic muchivaia acxoiatemaliztlj ca concuia quauhtla in acxoiatl xoxouhqui ynic ipa^ nevitzmanaloz. achto contemaja y^ acxoiatl ipa^ comanaja y^ vitztlj ome ezço, {p. 75} Teuquauhquetzaliztlj Jn tequauhquetzaliztlj ic muchivaja ca concuja in xoxouhqui quavitl in quauhtla contequia, y^ic vnca^ tlatlaz icha^ diablo quimaquetzaya iehoa^ti quichivaja in vnca^ ne^ca ycha^ diablo in tlamaceva Tlachpanaliztlj Jn tlachpanaliztlj yc muchihvaja cenca cui tlaviltiloya in tepilhua^ y^ aço civa anoço oquichtin y^ ca^ inchacha^ yn imitvalco inic tlachpanazq^ auh in icoac yoatzinco y^ oachto tlachpa^q^ nima^ quichivaja in ventlamapictlj yn comanaja ixpa^ diablo auh in icoac otlamanato nima^ yc concuja yn j^tlema ynic tlenamacazq^ Toçoualiztli. i. ixtocoliztlj Jnic muchivaja toçoliztlj icoac in yovaltica iehoantin yn vnca^ nenca icha^ diablo in quipiaya yoallj cenca ixtoçotinenca ynic amo tlacochcavazq^ ynic quipiaya yoalli in ixquichca tlatviz. ynic quipiaya iehica in tlein mochivaz in iquac yovalnepa^tla anoço tlaquauhyovac anoço ye tlatvinavac ipampa in vel quipiaya yoallj yoa^ quipiaya in tletl