] muchi nonqua quinamaca quinanamictia In tlaueliloc tlaolnamacac uel teca moquauitequini uel teca mocaiaoani In qualli tlaolli quineloa quiminaltia quimotlaltia in quaquã in cacaltic in patzaoac in tzontlaolli quicenneloa in tlaolpala in amaneoa quicenneloa quimotlaltia in õxiuhcaiutl in exiuhcaiutl in matlacxiuhcaiutl in puxcauhq' in xoiauhqui in ocuillo in iacatotoio quiminaltia itla quitlaça in quimichtlaolli in cuezcontlaolli in tlaolpalaxtli in tlaliiac in cocoiac in quipiiac in aoc cemelle in itlacauhqui quiiequitoa quiqualitoa quichachamaoa quitenectia quiteeleuiltia quisxotia in qualli tlaolli in tlaolpalaxtli tlaolciaoalli tlaatomaoalli moca xoneoatl moca olotl in quinamaca