] in icnoveve yn jcnoilama in tlapaltzintli aocmo vmpa conjtta ça iiacacpan tlatoa ça onqujqujnaca ça conqujqujnatza ça iacaqujqujntlatoa ic mjtoa ca nel ie ca tlamachtia in jnecuiltonol ca aoc tle ipan qujtlattilia in jpalnemoanj auh in tel ic oqujmanjli in jpalnemoanj in oqujmotzitzqujli conmocaoaltilia in jmâceoal amo nenqujça yn jatlamachiliz ymatlamatiliz njmã cocoliztli itech motlalia aço ixpopoioti quexilivi anoço tlapalanaltia côcototzavi cooaçivi anoço nonti nonõti nacatzatzati nacaztzatzaivi anoço tlanquaalaviliztli xuchiçiviztli qualocatl qualoc itech motlalia xomolli caltechtli conjttitia in totecujo caltechtli contocatimoteca motzontlaujtzotinemj moquatlaujtzotinemj iquatla mantinemj mjpitztinemj mociauhpouhtinemj moçiauhquetztinemj ie vncan in momjqujtlanj itoneuhcopa itoneuhcacopa aoc iatlamatian acontlaiecoa in qujmjtlanjtoc mjqujztli in ma cuele popolivi aoc ac no ica aoc ac qujmocujtia aoc ac qujmjximatcatoca ça tlatlâtto vel conjtta vmpa onqujça in jcnotlacaiotl tlatlâtlamj iuhqujn atl onqujça in jxqujch [fol r
