] catca in jtoca quetzalcoatl vellamaviçolli catca Nauhtemanca centetl tlapcopa itzticaca injn teucujtlacalli injc mjtoa teucuitlacalli in tlaquilli povia iehoatl in coztic teocujtlatl tlatemantli tlaçalolli Centetl çioatlampa itzticaca in tonatiuh icalaqujampa injn chalchiuhcalli teuxiuhcalli injc mjtoa chalchiuhcalli teuxiuhcalli chalchiujtl teuxivitl in tlaçalolli caliticpa in tlaquilli povi centetl vitztlampa amjlpampa itzticaca injn teccizcalli anoço iztac teucujtlatl in tlaquilli povia in caliticpa tepantli tlacochcalcopa itzticaca injn tlatlauhquj injc tlatlauhquj iehoatl in tapachtli tlaçalolli in caliticpa tepamjtl in anoço in tlein tlaçotli tetl tlatlauhquj