01 123

{f. 53r col. a} Jnic x. tlatoani mochiuh iehoatl in yuyontzin in tlatocat ce xiuitl. Jnic. xi. tlatoani mochiuh yehoatl y^ tetlavevetzquititzin yn tlatocat macuilxiuitl. Jnic. xii. tlatoani mochiuh yehoatl in Don anto© tlavitoltzin in tlatocat chiquacexiuitl. Jnic. xiii. tlatoani mochiuh yehoatl in axca^ tlatoani Don hernando pimentel in tlatocati ecastolxiuitl in axcan ipan ticate. Auh ye ixquich cauitl quipia in tlatocayutl yn acolhoaque y ye ic mocempoa castolpoalxiuitl yoan napoalxiuitl yoan nauhxiuitl yn ixquichica axca^ ipan ticate xiuhtonalli vmacatl. {p. 191} Auh izcate in chimeca tlatoque catca vexutla in moteneva acolhoaque in vmpa achto açico acolhoachichimeca. Jnic. i. tlatoani mochiuh Maçatzin tecutli in tlatocat epoalxiuitl ipan castolxiuitl ioan exiuitl. Jnic. ii. tlatoani tochin tecutli in tlatocat cempoalxiuitl ipan castolxiuitl ioan exiuitl. Jnic. iii. tlatoani ayotzin tecutli in tlatocat epoalxiuitl ipan matlacxiuitl ioan nauhxiuitl. Jnic. iiii. tlatoani quatlavice tecutli in tlatocat vmpoalxiuitl ioan castolxiuitl. Jnic. v. tlatoani itoca totomochtzin i^ tlatocat vmpoalxiuitl ipan matlacxiuitl ioan vnxiuitl auh in imacuilixtin i chichimeca tlatoqz in vel quipiaya in itlatocayo in acampa tequitia castolpoalxiuitl ioan matlacxiuitl ioan exiuitl in vel quipixqz in itlatocayo. Jnic. vi. tlatoani itoca yavtzin tecutli