=06 ±± (07)
In tenochtitla[n] ynic motlali tlatohuani E [i]uh çe xihuitl tlatolo yn tlatilulco, Conpehualti tlatocayotl Tenochtitlân
ytoca Tlacoten y{t}eicauh in quaquauhpitzahuac ça no ompa quitlani Yn azcapotzalco çan iteycauh pitzahuac ynic motlatocatlali, XI calli xihuitl amo huecahuac ça matlacpohualilhuiti yn oncan catca Yn omic hualmotlali çan iteycauh ytoca Teuhtlehuatzin amo huecahuac amo ytech moma yn tenochca ça ya yn azcapotzalco yn tlatocatque Nehua Ytiachcauh Çân çe Xihuitl yn oya, onXihuitl, Yn ayac, teyacân, Ça cactima[n]ca Niman Yc hualmotlali in tlatocatiz
Acamapich ypân çe tecpatl Xihuitl yn omotlatocatlali E iuh XI xihuitl tlatocati Yn momoztique Mexica y[n] tlatocat Acamapich XXI xihuitl yn oyuh omic hualmotlali yn itoca
Vitzilihuitl ypan, VIII tecpatl xihuitl yn ipan in motlali E iuh chiquaçe Xihuitl tlatocati yn pehualoque Tepanohuaya tlacatl yn ipân ya[que] altepetl Ypan çe tochtli Xihuitl nahui[n]tin yn tlatoque E iuh çe xihuitl yn tepehualoc yn in xiuh, Molpilli Mex{i}can ça no y çexiuhyoc yn omocaltique Yn tlatocat, Vitzilihuitl XXII xihuitl Yniquac omic niman hualmotlali ytoca
Chimalpopoca yn motlatocatlali ypan, III [calli] xihuitl E uh oxihuitl tlatocati yn chalca yaoyotl moman yhquac quimixquetz yn tlaquilque Ynic yxquetzaloque E iuh na[hui] xihuitl tlatocati Amo qualli yni[c] micque Y têncopa Yn azcapotzalco Maxtlato no yquac mic y teuhtlehuatzin Yhuan yhquac mic yn tlatilulco Tlacalteotzin yn tlatilulco, teuhtli tlaçolli yc micque yn tlatocat, XI xihuitl, yn tepeuh in temictito Macuilti yn oncân nenca Cohuacalco omotlalo cholohuaya[n] çan onca {neca} contetepachoque /yn tecanian/ ¾06 Cohuacalco omotlalo cholohuaya[n] can onca[n] contetepachoque yn tecaman Atzonpan conxaxamanique yn oyuh omic hualmotlali
Yzcohuatzin Yn motecuhtlali ypa, I tecpatl xihuitl e iuh çe xihuitl tlatocati ye mononotza ÿn Mexica tlatoque yn tlatilulco yn tlacatecatl yn tlacochcalcatl Mixcohuatzin ca oncan ne[n]tlamati ynic omictiloque yn intlaticahua yn ça teuhtica Tlaçotica ye yhquac, Olin yn tepaneca yaoyotl ye yhquac mic Maxtlatôn huel yehuatl yn tecopa mochiuh yn [Quauhtla]tohuatzin Tlatilulco. In izcohuatzin yn tlatocat XIII xihuitl yn omic hualmotlali ±±
Veue Motecuhçomatzin yn motlatocatlali ypân XIII tecpatl xihuitl Ehuatl huel quiquetz yn tenochtitla, Vitzilopochtli, E iuh caxtolli xihui[tl] tlatocati yn mocetochuînque Mexica quauhtînca anotiaque ypan çetochtli xihuitl ça no y çexiuhyoc Molpilli ynxiuh Mexica E iuh, XXV xihuitl tlatocati yn yecauh Tlatilulco teocalli yn mocepohua tlatocat yn huehue Motecuhçomatzin XXVII xihuitl yn omic niman hualmotlali
Yn axayacatzin y motlatocatlali ypan II tecpatl xihuitl e yuh V xihuitl tlatocati yn omixnamicque tlatilulco, Moquiuis Ypa[n] VII calli xihuitl yzqui canin ytepehual xiquipilco tolocân tzinacântepec Calimânyân Teotenanco Tenântzinco Quauhximalpân Xalatlauhco Quapanohuayân Teyacac Tepeyacac Tecalco Cuezcomatlyacac Matlatla Oztoticpa Tlahuililpa[n] Poscauhtlan Tototlân Cuextla Cueçaloztoc Mixtlân tetzapotitlân yhua[n] Coyohuacân Tochpa Cuextecatepec Ocçetepetl yn tlatocat Yn axayacatzin XIII xihuitl oncan mic hualmotlali
Tiçoçicatzin y motlatocatlali ypân II calli xihuitl E iuh Exihuitl tlatocati yn conchiuh Temalacatl Tiçoçicatzin yn itepehual tequauhcozcac, Ocçetepec, Toxico, Ecatepec tzillan, Matlatzinco, Maçahuancân, Ecatlapechco Mathapachco
